பழம்பெரும் நடிகை சரோஜா தேவி காலமானார்..!!

[2025-07-15 09:34:55] Views:[63]

பழம்பெரும் நடிகை சரோஜா தேவி உடல்நலக்குறைவு காரணமாக இன்று தனது 87ஆவது வயதில் காலமானார்.

பெங்களூருவில் உள்ள இல்லத்தில் இன்று காலமானதாக இந்திய ஊடகங்கள் செய்தி வெளியிட்டுள்ளன.

இந்திய திரைத்துறை வரலாற்றில் மிகச்சிறந்த நடிகைகளில் ஒருவராக இருந்தார் சரோஜா தேவி. இவர் தமிழ், தெலுங்கு, கன்னடம் மற்றும் இந்தி ஆகிய மொழிகளில் நடித்துள்ளார்.

50 ஆண்டுகால திரை வாழ்வில் எம்.ஜி.ஆர். உடன் 26 படங்கள் , சிவாஜி கணேசனுடன் 22 படங்கள் உள்ளடங்கலாக 200க்கும் மேற்பட்ட படங்களில் நடித்துள்ளார்.

நடிப்பிற்காக கன்னடத்துப் பைங்கிளி, அபிநய சரஸ்வதி உள்ளிட்ட அடைமொழிகளில் ரசிகர்களால் அழைக்கப்பட்டவர்.

அத்துடன் இந்திய அரசின் உயரிய விருதுகளான பத்மபூஷன், பத்மஸ்ரீ விருதுகளையும் சரோஜா தேவி பெற்றுள்ளார். சரோஜா தேவியின் மறைவுக்கு பலரும் தமது இரங்கலை தெரிவித்து வருகின்றனர்.