ஆப்கானிஸ்தானில் ஒரே நாளில் அடுத்தடுத்து இரு நிலநடுக்கங்கள்: மக்கள் பீதி!

[2026-10-11 22:59:15] Views:[30]

ஆப்கானிஸ்தான் நாட்டில் ஒரே நாளில் இரு நில அதிர்வுகள் பதிவாகியுள்ளதாக அதிகாரப்பூர்வ தகவல்கள் தெரிவிக்கின்றன.

இன்று அதிகாலை 4.41 மணியளவில் ஏற்பட்ட முதல் நில அதிர்வு, ரிக்டர் அளவுகோலில் 4.2 ஆகப் பதிவானது. நிலப்பரப்பிலிருந்து சுமார் 181 கிலோமீட்டர் ஆழத்தில் இதன் மையம் அமைந்திருந்ததாகவும், 36.740° வட அட்சரேகை மற்றும் 71.484° கிழக்கு தீர்க்கரேகைப் பகுதியில் இது ஏற்பட்டதாகவும் தேசிய நில அதிர்வு மையம் தெரிவித்துள்ளது.

இதனைத் தொடர்ந்து, நண்பகல் 12.34 மணியளவில் ரிக்டர் அளவுகோலில் 4.1 ஆகப் பதிவான மற்றொரு நில அதிர்வும் உணரப்பட்டது.

ஒரே நாளில் அடுத்தடுத்து இருமுறை நிலநடுக்கம் ஏற்பட்டதால் பொதுமக்கள் அதிர்ச்சியடைந்துள்ளனர். எனினும், இந்த நில அதிர்வுகளால் சொத்துச் சேதங்களோ அல்லது உயிர்ச்சேதங்களோ ஏற்பட்டதாக இதுவரை எந்தவொரு அதிகாரப்பூர்வ அறிவிப்பும் வெளிவரவில்லை.