இசைப் புயலின் சாதனை படைத்த "பெத்தி" பட பாடல்..!
[2026-03-05 21:43:02] Views:[78]
தென்னிந்திய திரையுலகில் இசைபுயல் மற்றும் மெகா பவர் ஸ்டார் இணைந்து உருவாகியுள்ள பெத்தி திரைப்படத்தின் இரண்டாவது சிங்கிள் பாடல் வெளியாகியுள்ளது.
‘மெகா பவர் ஸ்டார்’ என ரசிகர்களால் அழைக்கப்படும் ராம் சரண் நடித்துள்ள இந்தப் படத்தின் 2வது சிங்கிள் பாடலான "ரை ரை ரா ரா..." வெளியான 24 மணி நேரத்திலேயே 46.1 மில்லியன் பார்வைகளை கடந்து தென்னிந்திய அளவில் புதிய சாதனையை படைத்துள்ளது.
நேற்று அதிகாரபூர்வமாக வெளியிடப்பட்ட “ரை ரை ரா ரா” பாடல், வெளியான சில மணி நேரங்களிலேயே சமூக வலைத்தளங்கள் மற்றும் வீடியோ ஸ்ட்ரீமிங் தளங்களில் டிரெண்டாக ஆரம்பித்தது.
முக்கியமாக, வெளியிட்ட 24 மணி நேரத்தில் 46.1 மில்லியன் பார்வைகளை பெற்றுள்ள இந்த பாடல், தென்னிந்திய திரைப்பட பாடல்களில் இதுவரை பதிவு செய்யப்பட்டிருந்த சாதனைகளை முறியடித்துள்ளதாக தகவல்கள் தெரிவிக்கின்றன. ரசிகர்கள் இதை “ராம் சரண் – ஏ.ஆர். ரஹ்மான் கூட்டணியின் மாஜிக்” என வர்ணித்து வருகின்றனர்.
