பாகிஸ்தானில் பிலாவல் பூட்டோ மற்றும் நவாஸ் ஷெரீப் கூட்டணி

[2024-02-13 10:36:37] Views:[260]

கடந்த வியாழக்கிழமை பாகிஸ்தானில் பொதுத்தேர்தல் நடைபெற்ற நிலையில் வாக்குப்பதிவு முடிந்த கையோடு வாக்கு எண்ணிக்கை தொடங்கியதாகவும் வாக்கு எண்னும் நடவடிக்கை முடிவடைந்த நிலையில், இம்ரான் கான் கட்சி 93 இடங்களிலும், நவாஸ் ஷெரீப் கட்சி 75 இடங்களிலும், பிலாவல் பூட்டோ கட்சி 54 இடங்களிலும் வெற்றி பெற்றுள்ளதாகவும் மற்ற கட்சிகள், சுயேட்சைகள் 42 இடங்களை பிடித்துள்ளதாம் தெரிய வருகிறது.


264 இடங்களில் ஆட்சியை பிடிக்க 133 இடங்கள் தேவை. தனிப்பட்ட கட்சி அளவில் எடுத்துக் கொண்டால் இம்ரான் கான் கட்சி அதிக இடங்களை பிடித்துள்ளது. நாவஸ் ஷெரீப் மற்றும் பிலாவல் கட்சியை தவிர்த்து மற்ற கட்சிகளுடன் சேர்த்து பார்த்தால் இம்ரான் கானுக்கு சரியாக 135 இடங்கள் வரும். இது ஆட்சி அமைக்க போதுமானது.ஆனால் நவாஸ் ஷெரீப் பிலாவல் பூட்டோ கட்சியுடன் இணைந்து ஆட்சி அமைக்க முடிவு செய்துள்ளார். இதை இரண்டு கட்சி தலைவர்களும் ஒப்புக்கொண்டுள்ள நிலையில் தேர்தலில் அதிக இடங்களை கைப்பற்றியிருந்தாலும், நாடாளுமன்றத்தில் எதிர்க்கட்சி வரிசையில் அமர முடிவு செய்துள்ளதாக முன்னாள் பிரதமர் இம்ரான் கானின் தெஹ்ரீக்-ஏ-இன்சாப் (பிடிஐ) கட்சி அறிவித்துள்ளதாக கூறப்படுகிறது.