அண்ணன் தம்பி சண்டை; எரியூட்டப்பட்ட மோட்டார் சைக்கிள்!
[2025-04-18 10:09:10] Views:[122]
கொட்டகலை பகுதியில் சகோதரர்கள் இருவருக்கு இடையில் ஏற்பட்ட தகராறு காரணமாக 10 லட்சம் ரூபா பெறுமதியான மோட்டார் சைக்கிள் ஒன்று தீக்கிரையாக்கப்பட்டுள்ளது.
இச்சம்பவம் நேற்று (17) மாலை ஹட்டன் - நுவரெலியா பிரதான வீதியில் கொட்டகலை பகுதியில் உள்ள சுரங்கத்தை அண்டிய பகுதியில் இடம் பெற்றுள்ளது.
இரு சகோதரர்களுக்கு இடையே ஏற்பட்ட வாய் தர்க்கம் சண்டையில் முடிந்துள்ளது இதில் இருவரும் படுகாயங்களுடன் கொட்டகலை பிரதேச வைத்தியசாலையில் சிகிச்சைக்காக சேர்க்கப்பட்டுள்ளனர் என தெரிவிக்கப்படுகிறது.
சம்பவம் தொடர்பிலான விசாரணைகளை திம்புள்ள பத்தனை பொலிஸார் முன்னெடுத்துள்ளதாக குறிப்பிடப்படுகின்றது.
