ஸ்ரீ தலதா வழிபாட்டிற்கு வரும் பக்தர்களுக்கு புதிய ரயில் சேவைகள்..!
[2025-04-20 20:15:32] Views:[90]
ஸ்ரீ தலதா வழிபாட்டில் பங்கேற்கும் பக்தர்களின் எண்ணிக்கை அதிகரித்துள்ளதால், கொழும்பு கோட்டைக்கும் கண்டிக்கும் இடையில் மேலதிக இரு ரயில் சேவைகளை எதிர்வரும் 28 ஆம் திகதி வரை இயக்குவதாக இலங்கை ரயில்வே திணைக்களம் அறிவித்துள்ளது.
அதன்படி, கொழும்பு கோட்டையில் இருந்து இரவு 7:55 மணிக்கு பயணத்தை ஆரம்பிக்கும் ரயில் நள்ளிரவில் கண்டியை அடையும்.
அதே நேரத்தில் இரவு 8:30 மணிக்கு கண்டியில் இருந்து பயணத்தை ஆரம்பிக்கும் ரயில் நள்ளிரவில் கொழும்பு கோட்டையை வந்தடையும் என்று திணைக்களம் ரயில்வே தெரிவித்துள்ளது.
இந்த விசேட ரயில்கள் பயணத்தின் போது ரம்புக்கனை ரயில் நிலையத்திலும் நின்று செல்லும் என்பது குறிப்பிடத்தக்க விடயமாகும்.
