12 நாட்டவர்கள் அமெரிக்காவுக்குள் நுழையத் தடை.!

[2025-06-06 12:04:28] Views:[116]

12 நாடுகளைச் சேர்ந்தவர்களுக்கு அமெரிக்காவிற்குள் நுழைய தடை விதித்து அதிபர் டிரம்ப் உத்தரவிட்டுள்ளார்.

அதன்படி, ஆப்கானிஸ்தான், மியான்மர் (பர்மா), சாட், காங்கோ, இக்வடோரியல் கினியா, எரித்ரியா, ஹைட்டி, ஈரான், லிபியா, சோமாலியா, சூடான், ஏமன் ஆகிய நாடுகளைச் சேர்ந்தவர்கள் அமெரிக்காவுக்குள் நுழைய தடை விதிக்கப்பட்டுள்ளது.

அமெரிக்காவின் பாதுகாப்புக்கு அச்சுறுத்தல் உள்ளதால் இந்த நடவடிக்கையை டொனால்ட் டிரம்ப் மேற்கொண்டுள்ளார். இந்த உத்தரவு வரும் 9ஆம் திகதி (திங்கள்கிழமை) முதல் அமலுக்கு வருகிறது.

அதேபோல், புருண்டி, கியூபா, லாவோஸ், சியரா லியோன், டோகோ, துர்க்மெனிஸ்தான் மற்றும் வெனிசுலா ஆகிய ஏழு நாடுகளைச் சேர்ந்த குடிமக்களும் அமெரிக்காவிற்குள் நுழைவதற்கு கட்டுப்பாடுகள் விதிக்கப்பட்டுள்ளன.

டிரம்ப் தனது முதல் ஆட்சிக் காலத்தில், முஸ்லிம்கள் பெரும்பான்மையாக வாழும் ஈராக், சிரியா, ஈரான், சூடான், லிபியா, சோமாலியா மற்றும் ஏமன் ஆகிய ஏழு நாடுகளைச் சேர்ந்தவர்கள் அமெரிக்காவிற்குல் நுழைய தடை விதித்திருந்தார்.

குறித்த தடை உத்தரவை ஜோ பைடன் அதிபராக இருந்த போது 2021 ஆம் ஆண்டு நீக்கி உத்தரவிட்டிருந்தமை குறிப்பிடத்தக்கது.