முன்னாள் இராணுவத் தளபதி ஜெனரல் ஹமில்டன் வனசிங்க காலமானார்.!

[2025-06-13 18:09:33] Views:[107]

இலங்கை இராணுவத்தின் 11ஆவது தளபதியான ஜெனரல் ஹாமில்டன் வனசிங்க (91 வயது) காலமானார்.

அவர் சுகயீனமுற்று நாரஹேன்பிட்டியில் அமைந்துள்ள இராணுவ மருத்துவமனையில் சிறிது காலம் சிகிச்சை பெற்று வந்த நிலையில் இன்று (13) காலமானார்.

1988 - 1991 காலப்பகுதியில் இராணுவத் தளபதியாக பணியாற்றிய அவர், 1995 இல் ஓய்வு பெற்ற பிறகு, கூட்டு நடவடிக்கைத் தளபதி மற்றும் பாதுகாப்பு அமைச்சின் செயலாளர் உள்ளிட்ட பல முக்கிய பதவிகளை வகித்தார்.

அவரது உடல் 2025.06.13ஆம் திகதி இறுதி அஞ்சலிக்காக இல: 488/1, மதுகஹவத்த, கலுகொடையாவ, மல்வானை, என்ற முகவரியில் அமைந்துள்ள இல்லத்தில் வைக்கப்படவுள்ளது.

இறுதிச் சடங்கு முழு இராணுவ மரியாதையுடன் 2025.06.15ஆம் திகதி மாலை 5.30 மணிக்கு பொரெல்ல பொது மயானத்தில் நடைபெறும் என தெரிவிக்கப்படுகிறது.