இலங்கை விமானப்படை பொதுமக்களுக்கு விடுத்துள்ள முக்கிய எச்சரிக்கை..!

[2025-08-29 19:33:18] Views:[103]

காற்றாடிகள் பறக்கவிடப்படுவதால் விமான நடவடிக்கைகளுக்கு ஏற்படக்கூடிய ஆபத்துகள் குறித்து இலங்கை விமானப்படை பொதுமக்களுக்கு எச்சரிக்கை விடுத்துள்ளது.

இது தொடர்பில் இலங்கை விமானப் படை வெளியிட்டுள்ள அறிக்கையில், விமான நிலைய ஓடுபாதைகளுக்கு அருகில் காற்றாடி பறப்பது கடுமையான ஆபத்தை ஏற்படுத்துவதாகவும் இது விமான விபத்துகளுக்கு முக்கிய காரணியாக காணப்பட்டுவதாக தெரிவித்துள்ளது.

இத்தகைய செயல்பாடு விமான நடவடிக்கைகளை நேரடியாகத் தடுப்பதோடு, பயணிகள் மற்றும் பணியாளர்கள் இருவருக்கும் ஆபத்தை விளைவிக்கிறது.

இலங்கையில் கட்டுநாயக்க, இரத்மலானை, ஹிங்குராங்கொட, சீனக்குடா, பலாலி, கட்டுகுருந்த, கொக்கல, வவுனியா, வீரவில மற்றும் மத்தள ஆகியவற்றைச் சுற்றியுள்ள பகுதிகளில் காற்றாடி பறப்பது மிகவும் ஆபத்தானதாகக் கருதப்படுகிறது.

எனவே, இந்த ஆபத்துகள் குறித்து குறித்த விமானநிலையங்களுக்கு அருகில் வாசிக்கும் பொதுமக்கள் அவதானமாக இருக்குமாறு விமானப்படை வலியுறுத்தியுள்ளமை குறிப்பிடத்தக்கது.